Tîm ColegauCymru
Gyda’n gilydd, mae Tîm ColegauCymru yn ymrwymo i hyrwyddo budd cyhoeddus addysg bellach yng Nghymru. Credwn fod gan bob dysgwr yr hawl i addysg o safon fyd-eang, a ddarperir mewn lleoliad diogel, amrywiol a chynhwysol ac o fewn sector sy'n cefnogi'r gymuned ehangach, cyflogwyr a'r economi.
Prif Weithredwr
David.Hagendyk@ColegauCymru.ac.uk
Mae David wedi gweithio mewn swyddi arwain, ymgyrchu a datblygu polisi yng Nghymru am y deunaw mlynedd diwethaf. Ymunodd â ColegauCymru ym mis Hydref 2022, ar ôl treulio saith mlynedd yn Sefydliad Dysgu a Gwaith Cymru fel Cyfarwyddwr Cymru.
Cyn ymuno â Sefydliad Dysgu a Gwaith Cymru, bu hefyd yn gweithio am saith mlynedd fel Ysgrifennydd Cyffredinol Llafur Cymru. Cyn hyn bu’n Swyddog Cyswllt Gwleidyddol ar gyfer Undeb Prifysgolion a Cholegau Cymru, fel Pennaeth Polisi Llafur Cymru, ac mae wedi gweithio fel ymchwilydd i Huw Lewis AC a Lynne Neagle AC.
Cyfarwyddwr Cyllid
Carolyn.Thomas@ColegauCymru.ac.uk
Mae Carolyn wedi gweithio yn y sector addysg bellach er 1991, wedi cyfnod yn gweithio fel cyfrifydd coleg bach.
Mae hi wedi gweithio fel Cyfarwyddwr Cyllid ColegauCymru ers 2004 ac mae'n gymrawd o'r ACCA.
Cyfarwyddwr Partneriaethau a Datblygu Strategol
Kelly.Edwards@ColegauCymru.ac.uk
Mae Kelly yn arwain Rhaglen Ddatblygu ColegauCymru gyda’r uchelgais o gyfoethogi'r profiad dysgu a gwella canlyniadau dysgu ar gyfer y sector addysg bellach. Mae hi’n gweithio gyda’r Fforwm Penaethiaid a Phrif Weithredwyr a’r Bwrdd Cyfarwyddwyr i sicrhau bod y Rhaglen yn cyd-fynd â gweledigaeth a chenhadaeth yr elusen. Mae Kelly hefyd yn Aelod o Fwrdd Cyngor y Gweithlu Addysg.
Cyfarwyddwr Polisi a Materion Cyhoeddus
Rachel.Cable@ColegauCymru.ac.uk
Mae Rachel Cable yn arwain Tîm Polisi a Materion Cyhoeddus ColegauCymru, gan sicrhau bod ein gwaith yn cyd-fynd ag amcanion strategol y sefydliad.
Cyn ymuno ColegauCymru, treuliodd Rachel 15 mlynedd yn gweithio ym maes polisi, ymgyrchoedd ac eiriolaeth yng Nghymru, gan gynnwys i Prifysgolion Cymru, a chydlynu ymgyrchoedd ar gyfer Aelod Seneddol. Bu Rachel hefyd yn bennaeth tîm amlddisgyblaethol Oxfam Cymru ar draws polisi, eiriolaeth, y cyfryngau, ac addysg, gan gynnwys cadeirio’r Pwyllgor Argyfwng Trychinebau Cymru.
Ochr yn ochr â’r rolau hyn, mae Rachel yn llywodraethwr ysgol ac wedi gweithredu fel ymddiriedolwr elusen ar gyfer undeb myfyrwyr.
Cynghorydd Strategol - DSW a Chyflogadwyedd
Jeff.Protheroe@ColegauCymru.ac.uk
Jeff yw'r pwynt cyswllt allweddol ar gyfer Llywodraeth Cymru a chyrff perthnasol eraill yn y sector. Mae’n cefnogi’r sefydliad i lunio ymatebion sector i gynigion polisi gan gynnwys newidiadau i ffrydiau ariannu, diwygio cymwysterau, datblygu’r cwricwlwm a chyfrannu at adolygiadau fframwaith prentisiaeth. Mae’n gwneud ymchwil i lunio a dylanwadu ar bolisi ac yn datblygu cysylltiadau agos ag arweinwyr mewn colegau i optimeiddio cydweithio ac atebion arloesol. Mae Jeff hefyd yn cynnull gweithgorau ac yn arwain ar ddatblygu a chyflwyno ceisiadau grant a chynigion perthnasol eraill am gyllid ar ran y sector AB i wella canlyniadau DYYG a chyflogadwyedd.
Rheolwr Polisi
Ymunodd Alex â ColegauCymru yn 2026 yn dilyn gyrfa 17 mlynedd yng nghanol gwleidyddiaeth a datganoli Cymru yn y Senedd. Yn ystod y cyfnod hwn, arweiniodd swyddfeydd dau Aelod etholedig, gan ennill profiad helaeth o faterion cyhoeddus, polisi ac ymgysylltu gwleidyddol.
Yn ei rôl fel Rheolwr Polisi, mae Alex yn chwarae rhan allweddol wrth lunio a chyflawni polisi ColegauCymru a dylanwadu ar weithgarwch, gan weithio gyda chydweithwyr ar draws y Tîm Polisi a Materion Cyhoeddus i sicrhau bod ein safbwyntiau polisi wedi'u halinio'n strategol, yn seiliedig ar dystiolaeth ac yn ymatebol i ddatblygiadau gwleidyddol, deddfwriaethol a sector sy'n dod i'r amlwg.
Rheolwr Prosiect - Ewropeaidd a Rhyngwladol
Sian.Holleran@ColegauCymru.ac.uk
Ymunodd Siân â CholegauCymru fel Cydlynydd Ewropeaidd a Rhyngwladol ym mis Tachwedd 2010. Mae ei phrif feysydd gwaith yn cynnwys cydlynu rhaglen o gyfleoedd hyfforddiant tramor i staff, dysgwyr a phrentisiaid, gan weithredu dros Lywodraeth Cymru fel Pwynt Cyswllt Cenedlaethol ar gyfer mentrau'r UE a gwerthu Cymru i'r byd trwy weithio ar y cyd gyda phartneriaid rhyngwladol.
Mae Siân yn rhugl mewn Ffrangeg, Sbaeneg a Chymraeg. Gynt bu'n gweithio i CILT Cymru, y ganolfan genedlaethol ar gyfer ieithoedd, gan hyrwyddo dysgu ieithoedd modern fel sgil gwerthfawr i bobl ifanc mewn byd sy'n gynyddol fyd-eang. Mae Siân yn parhau i rannu ei chariad at ieithoedd a diwylliannau gwledydd eraill trwy hyrwyddo buddion treulio cyfnodau o amser yn astudio neu'n gweithio dramor i bobl ifanc. Mae hi hefyd yn cynrychioli'r sector addysg bellach ar y grŵp llywio Llwybrau i Ieithoedd Cymru.
Arweinydd Trawsnewid Anghenion Dysgu Ychwanegol (AB)
Chris.Denham@ColegauCymru.ac.uk
Dechreuodd Chris ei yrfa'n gweithio yn y diwydiant adeiladu yn Surrey, cyn cwblhau ei Dystysgrif Addysg yng ngholeg Polytechneg Huddersfield ac yna symud i Bont-y-pŵl ar gyfer swydd ddarlithio yn adran dechnoleg y coleg. Roedd Chris yn allweddol i sefydliad y cyrsiau cyswllt anghenion arbennig cyntaf gydag Ysgol Arbennig Crownbridge ar ddiwedd y 1980au ac ar ôl rhywfaint o ailhyfforddi, datblygodd raglen anghenion arbennig amser llawn, newydd ym Mhont-y-pŵl. Wrth i'r ddarpariaeth hon dyfu, cydnabu'r angen am gymorth yn y prif ffrwd ac felly ennillodd gymhwyster ychwanegol mewn anawsterau dysgu penodol a sefydlodd ganolfan gymorth yn y coleg.
Ar ôl ymgorffori a chreu Coleg Gwent, gwnaeth Chris sawl swydd reoli cyn derbyn swydd Rheolwr Anghenion Dysgu Ychwanegol (ADY) yng Ngholeg Gwent yn 2014. Yn ystod y cyfnod hwn, cynrychiolodd y coleg hefyd ar Rwydwaith ADY ColegauCymru, gan gyflawni rôl Cadeirydd o 2014.
Mae Chris wedi gweithio'n agos gyda Llywodraeth Cymru dros y pedair blynedd diwethaf i helpu i lunio Deddf a Chôd Ymarfer Anghenion Dysgu Ychwanegol a'r Tribiwnlys Addysg (ALNET). Derbyniodd ei swydd bresennol gyda CholegauCymru ym mis Ionawr 2018 ac mae'n parhau i gefnogi colegau yng Nghymru wrth iddynt baratoi i weithredu ALNET.
Rheolwr Swyddfa a Llywodraethu
Jamie.Adair@ColegauCymru.ac.uk
Ymunodd Jamie â thîm Polisi a Materion Cyhoeddus ColegauCymru o Gymdeithas Chwaraeon Cymru ym mis Ebrill 2022. Cyn hyn, graddiodd o Brifysgol Abertawe gydag MA mewn Gwleidyddiaeth a BA mewn Hanes.
Ei rôl yw cynrychioli sefydliadau addysg bellach ar lwyfan cenedlaethol, gan weithio’n agos ag Aelodau Seneddol a Swyddogion Llywodraeth Cymru, gan wneud gwaith ymchwil a dadansoddi i helpu i ddatblygu argymhellion polisi cyhoeddus.
Mae Jamie yn ddeiliad tocyn tymor Clwb Pêl-droed Abertawe ac mae'n ddilynwr chwaraeon brwdfrydig. Mae’n dilyn pêl-droed, tennis, dartiau, golff, snwcer a Fformiwla 1.
Rheolwr Cyfathrebu
Lucy.Hopkins@ColegauCymru.ac.uk
Mae Lucy' rheoli ein gweithgareddau cyfathrebu a marchnata, yn unol ag amcanion strategol y sefydliad. Mae hi'n sicrhau bod ein cyfathrebiadau yn ddylanwadol, yn addysgiadol ac yn briodol i'n rhanddeiliaid.
Swyddog Cyllid
Gill.Barclay@ColegauCymru.ac.uk
Mae Gill yn gweithio fel Swyddog Cyllid ColegauCymru. Yn ychwanegol i'r rôl hon, mae hi'n darparu cymorth technoleg gwybodaeth ac yn rheoli cyfleusterau'r sefydliad.
Swyddog Prosiect
Amy.Williams@ColegauCymru.ac.uk
Graddiodd Amy o Brifysgol Abertawe yn 2011 gyda gradd yn y Cyfryngau a Chyfathrebu. Yn dilyn 5 mlynedd yn y sector manwerthu, ymunodd â CholegauCymru fel Derbynnydd. Ym mis Mai 2017, dechreuodd rôl fel Cynorthwyydd Materion Cyhoeddus ac ym mis Mawrth 2020 symudodd ymlaen i rôl Swyddog Polisi. Ym mis Mehefin 2026 daeth yn Swyddog Prosiect yn gweithio yn y tîm Partneriaethau a Datblygu Strategol. Mae Amy yn siaradwr Cymraeg rhugl.
Swyddog Prosiect
Vicky.Thomas@ColegauCymru.ac.uk
Ymunodd Vicky â ColegCymru yn 2022. Gan weithio fel Swyddog Prosiect yn y Tîm Datblygu, mae’n arwain ac yn rheoli ein gwaith rhyngwladol, gan gynnwys prosiectau Dysgwyr a Staff Erasmus+
Gweinyddwr Prosiect a Swyddfa
Rosie yw Gweinyddwr Prosiect a Swyddfa ColegauCymru, yn darparu cefnogaeth weinyddol ar draws Grwpiau Strategol, Rhwydweithiau, Prosiectau ac Uwch Dîm Rheoli i'r sefydliad. Cyn ymuno â ColegauCymru, bu Rosie yn gweithio yn y sector addysg uwch a’r sector elusennol a hefyd roedd hi'n cherddwr teithiol.
Cynorthwyydd Polisi a Materion Cyhoeddus
Ymunodd Mair â ColegauCymru yn 2026 ar ôl graddio o Brifysgol Caerdydd gyda gradd baglor mewn Gwleidyddiaeth a Chysylltiadau Rhyngwladol. Fel aelod o'r tîm Polisi a Materion Cyhoeddus, mae hi'n cefnogi gwaith ColegauCymru ar draws y sectorau addysg bellach a dysgu seiliedig ar waith.
