Ein gweledigaeth yw addysg o'r radd flaenaf i Gymru. Ein cenhadaeth yw dangos gwerth addysg bellach i bob dysgwr, y gymdeithas a'r economi. Rydym yn ymfalchïo mewn darparu gwasanaethau o ansawdd uchel i'n rhanddeiliaid. Ond dim ond gydag ymrwymiad a gwaith caled ein tîm rhagorol o staff y gallwn wneud hyn.
Mae ColegauCymru yn cynnwys tîm bach o unigolion brwdfrydig a medrus ac mae gan y sefydliad brofiad helaeth yn y sector addysg bellach yng Nghymru.
Elusen addysg ôl-16 yw ColegauCymru. Credwn fod gan bob dysgwr yr hawl i addysg o'r radd flaenaf, a ddarperir mewn lleoliad diogel, amrywiol a chynhwysol ac o fewn sector addysg bellach sy'n cefnogi'r gymuned ehangach, cyflogwyr a'r economi.
Rydym yn recriwtio Rheolwr Polisi a Chynorthwyydd Polisi a Materion Cyhoeddus ar hyn o bryd. Manylion y ddwy swydd isod.
Rheolwr Polisi
Yn Adrodd i: Cyfarwyddwr Polisi a Materion Cyhoeddus
Contract: Parhaol
Cyflog: £45,419 - £49,262
Lleoliad: Cyfuniad o weithio yn y swyddfa (Caerdydd) a gweithio gartref gydag o leiaf ddau ddiwrnod yr wythnos yn y swyddfa neu mewn cyfarfodyd
Dyddiad Cau: Dydd Llun 29 Mehefin 2026 am 5.00pm.
Prif Bwrpas y Rôl
Mae ColegauCymru yn gweithredu o fewn amgylchedd gwleidyddol a pholisi cynyddol gymhleth a chyflym. Bydd y Rheolwr Polisi yn chwarae rôl allweddol wrth lunio a chyflawni polisi ColegauCymru a gweithgarwch dylanwadu, gan sicrhau bod y sefydliad yn parhau i fod yn llais credadwy, sy'n seiliedig ar dystiolaeth a dylanwadol ar gyfer addysg bellach a dysgu ôl-16 yng Nghymru.
Bydd gofyn i'r ymgeisydd llwyddiannus arwain a chydlynu gweithgarwch datblygu polisi ar draws meysydd blaenoriaeth y cytunwyd arnynt, gan gyfuno ymchwil a dadansoddiad o ansawdd uchel â dylanwadu strategol ac ymgysylltu â rhanddeiliaid. Bydd y rôl yn cynnwys datblygu polisi ymarferol a chyfrifoldeb ehangach am gydlynu a gyrru gweithgarwch polisi ar draws y sefydliad.
Gan weithio'n agos gyda'r Cyfarwyddwr Polisi a Materion Cyhoeddus, bydd y Rheolwr Polisi yn helpu i sicrhau bod safbwyntiau polisi ColegauCymru wedi'u halinio'n strategol, yn seiliedig ar dystiolaeth ac yn ymatebol i ddatblygiadau gwleidyddol, deddfwriaethol a sector sy'n dod i'r amlwg.
Bydd yr ymgeisydd llwyddiannus hefyd yn cefnogi gweithgarwch cynllunio sefydliadol, yn cyfrannu at arweinyddiaeth ehangach y swyddogaeth Polisi a Chyfathrebu, ac yn helpu i gryfhau perthynas ColegauCymru â'r llywodraeth, Medr, cynrychiolwyr etholedig, aelodau a rhanddeiliaid y sector.
Gweithio i ColegauCymru - Gwybodaeth Ychwanegol
Ymgeisio am y swydd hon
Anfonwch lythyr a CV sy'n dangos sut rydych chi'n bodloni'r meini prawf a nodir yn y Swydd Ddisgrifiad.
Dylid cyflwyno ceisiadau drwy e-bost i HR@colegaucymru.ac.uk
Dyddiad cau
Y dyddiad cau ar gyfer y swydd wag hon yw dydd Llun 29 Mehefin am 5.00pm.
Cyfweliadau
Cynhelir cyfweliadau ar ddydd Gwener 10 Gorffennaf 2026 yn Nhongwynlais, Caerdydd. Os oes gennych unrhyw ymholiadau, anfonwch e-bost at HR@coleguacymru.ac.uk
Sylwch y bydd yr ymgeisydd llwyddiannus yn destun i wiriad Gwasanaeth Datgelu a Gwahardd (DBS).
Cynorthwyydd Polisi a Materion Cyhoeddus
Yn Adrodd i'r: Cyfarwyddwr Polisi a Materion Cyhoeddus
Contract: Llawn amser, cyfnod penodol hyd at 31 Gorffennaf 2028
Cyflog: £25,091 i £31,486 y flwyddyn (fel arfer bydd apwyntiadau'n cael eu gwneud ar waelod y raddfa)
Lleoliad: Cyfuniad o weithio yn y swyddfa (Caerdydd), mewn amryw o safleoedd e.e. mewn colegau, yn y Senedd, a gweithio o gartref
Dyddiad cau: 21 Mehefin 2026
Trosolwg o’r Rôl
Rydym yn chwilio am unigolyn brwdfrydig i ymgymryd â rôl polisi a materion cyhoeddus cyffrous yn y sector addysg bellach a dysgu seiliedig ar waith.
Gan weithio'n agos gyda chydweithwyr yn y Tîm Polisi a Chyfathrebu, bydd yr ymgeisydd llwyddiannus yn helpu i hyrwyddo budd addysg a hyfforddiant ôl-orfodol yng Nghymru. Byddant yn cynrychioli colegau addysg bellach ar lwyfan cenedlaethol, gan weithio’n agos gydag Aelodau Seneddol yn y Senedd a swyddogion Llywodraeth Cymru. Mae hyn yn cynnwys cyfarfod a briffio llefarwyr pleidiau gwleidyddol perthnasol ac aelodau o bwyllgorau allweddol y Senedd, yn ogystal â chynnal gwaith ymchwil, dadansoddi (ansoddol a meintiol), a helpu i ddatblygu argymhellion polisi cyhoeddus. Bydd yr ymgeisydd llwyddiannus yn gallu gweithio ar ei liwt ei hun yn ogystal fel rhan o dîm, a bydd ganddynt sgiliau cyfathrebu rhagorol a'r gallu i ffurfio perthnasoedd gwaith cadarnhaol.
Bydd y swydd hon yn gofyn i’r ymgeisydd llwyddiannus weithio’n rheolaidd o swyddfeydd ColegauCymru yng Nghaerdydd, felly mae’r gallu i gymudo yn hanfodol. Efallai y bydd angen parodrwydd i deithio ledled Cymru, o fewn y DU ac yn rhyngwladol weithiau, a gweithio y tu allan i oriau gwaith arferol hefyd.
Gweithio i ColegauCymru - Gwybodaeth Ychwanegol
Ymgeisio am y swydd hon
Anfonwch CV sy'n dangos sut rydych chi'n bodloni Manyleb y Person, ynghyd â llythyr eglurhaol byr sy'n mynd i'r afael â'r cwestiynau isod. Ni ddylai'r ateb i bob cwestiwn fod yn fwy na 500 gair.
- Beth ydych chi’n meddwl yw’r prif blaenoriaethau polisi sy’n wynebu’r sectorau addysg bellach a dysgu seiliedig ar waith yn benodol yn y 18 mis nesaf?
- Sut ydych chi'n meddwl y dylai ColegauCymru geisio mynd i'r afael â'r blaenoriaethau hyn?
- Beth yw'r prif gyfleoedd a rhwystrau?
Dylid cyflwyno ceisiadau drwy e-bost i HR@colegaucymru.ac.uk
Dyddiad Cau
Y dyddiad cau ar gyfer y swydd wag hon yw 21 Mehefin 2026.
Cyfweliadau
Cynhelir cyfweliadau ar 3 Gorffennaf 2026 yn swyddfeydd ColegauCymru yn Nhongwynlais, Caerdydd.
Sylwch y gall yr ymgeisydd llwyddiannus fod yn destun gwiriad datgeliad DBS.
