Bydd Digwyddiad Aml-chwaraeon Addysg Bellach Colegau Cymru yn dychwelyd i Marsh Tracks, Y Rhyl ar 6 Mai 2026.
Bydd y digwyddiad cynhwysol hwn yn dod â dysgwyr, colegau a phartneriaid cymunedol ynghyd i ddathlu chwaraeon, gweithgarwch corfforol a chyfranogiad i bawb.
Wedi'i drefnu mewn cydweithrediad â Thriathlon Cymru a rhwydwaith eang o bartneriaid lleol a chenedlaethol, nod digwyddiad Aml-chwaraeon Addysg Bellach 2026 yw rhoi cyfle i ddysgwyr o bob gallu roi cynnig ar gamp newydd, meithrin hyder a chysylltu â'u cyfoedion mewn amgylchedd cefnogol ac actif.
Gyda disgwyl dros 120 o gofrestriadau o golegau Gogledd Cymru, mae'r digwyddiadau'n cynnig dau opsiwn:
- Duathlon Llawn: rhedeg 5km / beicio 20km / rhedeg 2.5km
- Digwyddiad Go Tri: rhedeg 1km / beicio 4km / rhedeg 1km - wedi'i gynllunio fel opsiwn cynhwysol ar gyfer dysgwyr llai actif a'r rhai sy'n newydd i chwaraeon cystadleuol
Gwybodaeth Bellach
Cysylltwch am ragor o wybodaeth neu i gofrestru diddordeb eich coleg.
Rob Baynham, Rheolwr Prosiect Lles Actif a Chwaraeon
Robert.Baynham@ColegauCymru.ac.uk
