Wrth i flwyddyn academaidd newydd gychwyn ac wrth i ni barhau i lywio'r heriau a ddaeth yn sgil pandemig Covid19, mae ColegauCymru’n edrych ymlaen at y flwyddyn sydd i ddod. Rydyn ni'n ddiolchgar i staff, dysgwyr a rhanddeiliaid fel ei gilydd yn y ffordd maen nhw wedi dod at ei gilydd i sicrhau bod iechyd a diogelwch pawb yn parhau i fod yn flaenoriaeth i ni.
Rydym wedi ymrwymo i gefnogi Llywodraeth Cymru yn yr ymgyrch #DaliDdysgu a byddwn yn parhau i weithio'n agos gyda nhw, yr undebau llafur ac arweinwyr ein colegau i sicrhau bod ein sefydliadau addysg bellach yn parhau i fod yn amgylcheddau diogel i ddysgu a gweithio ynddynt.
Ein Blaenoriaethau ar gyfer y Flwyddyn i Ddod
- Bydd y colegau’n cefnogi dysgwyr 16-19 oed, yn enwedig y rhai sy'n gorfod ailedrych ar feysydd o'u dysgu oherwydd yr heriau a wynebwyd yn ystod Covid19.
- Byddant wrth law i gynorthwyo dysgwyr sy'n oedolion sy'n gorfod ail-werthuso dewisiadau gwaith, dychwelyd i addysg neu ailhyfforddi yn sgil economi sy'n esblygu'n gyflym.
- Byddwn yn cefnogi ein haelodau wrth iddynt weithio i alinio addysg a hyfforddiant yn agosach ag anghenion cyflogwyr sy'n newid yn gyflym i helpu i gefnogi adferiad economaidd.
- Byddwn yn parhau i weithio gyda'n haelodau i sicrhau bod buddiannau dysgwyr yn parhau i fod wrth wraidd y gwaith a wnawn, ac i sicrhau bod dysgu galwedigaethol ac academaidd yn cael ei werthfawrogi'n gyfartal.
- Rhan allweddol o'n gwaith dros y flwyddyn nesaf hefyd fydd parhau i ddylanwadu ar y llywodraeth a sefydliadau perthnasol eraill i helpu i lunio polisi cyhoeddus ar y sector addysg bellach yma yng Nghymru.
- Rydym yn edrych ymlaen at weithio gyda chydweithwyr y llywodraeth a rhanddeiliaid wrth i gynlluniau symud ymlaen mewn newidiadau i lywodraethu addysg bellach (fel rhan o'r bil CADY arfaethedig).
- Byddwn yn parhau i gefnogi prosiectau coleg hanfodol trwy amrywiol weithgareddau cyfoethogi a gwella megis prosiectau i gyflwyno cyfleoedd datblygu tramor i ddysgwyr a staff.
Ar ran holl staff ColegauCymru, rydym yn diolch i ddysgwyr a staff ein colegau addysg bellach am eu cefnogaeth a'u hymgysylltiad parhaus a dymunwn flwyddyn hapus, iach a chynhyrchiol i chi i gyd.
Dymuniadau gorau i bawb!
Iestyn Davies
Prif Weithredwr ColegauCymru
